Gedichte und Lieder
Gedicht: Use Olde Waohn
von Pfarrer Hermann Meyer, Emsbüren
En‘ Hümmlinger Dörp
dat is us‘ oIde Wahn.
Et was wall‘ tusend Jaohre old
un ha sin Wohlbestaohn.
Man eines Daoges wast passeert:
vörbi de oIde Tied!
Se häht us uteinannerdaon
verdeilt no Nord un Süd.
Hier häw min Mauder wohnt,
hier was uns‘ Vader Bur,
hier bäht se ackert Jaohr um Jaohr
in Sünn un Grummelschur.
Hier stünn‘ de Hüser all‘ tohop
de Kärke midden drin,
un öwer’n Tun de Naober keek
un segg: nu kiek mol in.
Us‘ oIde gaude Wahn
wi holt die wall‘ in Ehrn,
un möt wi uk utenännergaohn
wi holt tohope gern.
Gott häw et daon, Gott häw et naohm
He bliew en use Siel;
He holt de Hand waoll öwert Land
uk in de neie Tied.